Descubrimento dun xigantesco antepasado dos cocodrilos.

Uns paleontólogos estadounidenses descubriron un ancestro dos cocodrilos que probablemente foi un dos principais depredadores de América do Norte antes da chegada dos dinosaurios ó continente. Apodado o "Carniceiro de Carolina", o Carolinensis Carnufex era un crocodilomorfo de case tres metros de longo, camiñaba coas súas patas traseiras e probablemente cazaba animais pequenos como reptíles ou mamíferos dos ecosistemas da actual Carolina do Norte fai 231 millóns de anos.

Os paleontólogos da Universidade e do Museo de Ciencias Naturais de Carolina do Norte recuperaron partes do cráneo e da columna vertebral. O cráneo estaba preservado en anacos, por iso foi difícil saber como fora a súa vida. Grazas ás novas tecnoloxías avanzadas que dispoñemos actualmente, os investigadores escanearon os osos do cráneo creando un modelo tridimensional, e comparárono cos doutros familiares cercanos para obter unha maior visión do cráneo.